Advocacy
Bawngring lam, mari sha n-gun jaw ahkaw ahkang, hkamja lam
Learning Library
English en
HTML
N-dai gaw Consumers International aq laika man rai nga ai. Consumer aq policy gaw tara gin shalat ai lam, uhpung gaw gap ai lam, shiga lam ni hpe shatsaw na hte sakhkrung lam atsam sharawt na, masha ni aq prat hta galai shai ai lam nga na matu shanhte aq atsam ni hpe sharawt na rai nga ai. Uhpung gaw ningpawt ninghpang shinggyim ahkaw ahkang lam ni hpe hkrak di na matu shakut ai hte shinggyim ahkaw ahkang lam ni hpe chyena na matu, shada chyena lit la hkat na matu sharawt ai. N-dai ni gaw: n-pawt ra nga ai lam ni hpe ahkaw ahkang lam ni hte shadik ai; shimlam nga na matu ahkaw ahkang lam; machye machyang nga na ahkaw ahkang lam; lata lu na ahkaw hkang lam; madat lu na ahkaw ahkang lam; bai gaw sharawt lu na ahkaw ahkang lam; laika hpaji sharin hkam la lu na ahkaw ahkang lam; makau grup yin hkamja lu na ahkaw ahkang lam ni rai nga ai. Shawa masha ni hta mung shanhte aq arawng aya hpe jai lang let gat lawk ni hta jahten hkawm ai lam hpe gawt shamat kau na ahkaw ahkang lit ni nga mai ai, lata tut ahkyak lailen ni hpe n-gun jaw na hte galoi mung lu-lu lu-sha na shapraw lu na lam hpe madi shadaw na rai nga ai. Mari lu mari sha ai ni aq bawng ring lam hte makawp maga na ahkaw ahkang lam hte lit la chye na ngu ai shanhte aq chyena ai lam hpe langai sha chyawm ya na: dai ni gaw, matsan ai lam hpe lakau na; up-hkang lam kaja na; shinggyim ngapra lam rapra na hte shinggyim ahkaw ahkang lam hpe hkungga na; gat lawk sut masa lam kaja na hte rapra na lam; makau grupyin makawp maga na lam ni rai nga ai. N-dai daw hta Comsumers International hpung aq campaign hte programs ni hte seng ai shiga ni, lahta na lam ni hpe bang da ya ai.
Mungdan ga daga mari sha n-gun jaw manang ni
Mungdan ga daga mari sha n-gun jaw manang ni
UK
NGO/CSO
Consumers International (CI) gaw mari lu mari sha ai ni aq malai hte mungkan shara shagu na agency ni aq malai matut mahkai ya ai hte madi shadaw ya ai. Mungdan 113 na uhung malawm 230 jan nga ai. Uhpung gaw rapra ai shinggyim hpawng hpe sharawt ai hta matut maroi sha mari lu mari sha ai ni yawng aq ahkaw ahkang hpe makawp maga ai, grau nna matsan ai ni, shingdu tawn da hkrum ai ni hte ahkaw ahkang n-lu ai ni hpe makawp maga na: uhpung malawm ni hpe madi shadaw na n-gun shatsaw ya na hte ra mara lam hta mari lu mari sha ai ni shamu shamawt lawm na; mari lu mari sha ai ni hpe myit tsang lawm ai ni policy aq matu mungdan ga daga madang hta campaign galaw na rai nga ai. Consumers International hpe 1960 ning hta amyu sha consumers uhpung ni kawn sharawt wa ai Interantional Organization of Consumers Unions (IOCU) hpung kawn gaw de wa ai. Upung gaw mungdan ga jarit mayan ni hta dinghkrai hku nna lahta na lam ni hpe galaw gaw gap shakut ngut ai lam ni hpe myit dik myit payw nga ai. Uhpung gaw lawan ladan rawt jat wa nna kade nna yang ---madang nga ai lu sha ni hpe lu shapraw na, hkamja lam hte machyi masha ahkaw ahkang lam, makau grupyin hte agrin nga lu-lu lu-sha lam, mungdan ga daga hpaga lam hte shawa arai jai lang lam ni zawn re ai mungdan ga daga comsumers shamu shamawt ai n-sen ni hpe shapraw lu na re ai. Consumers International hpung gaw wanglu wanglang re ai, NGO re ai. Uhpung gaw gara maga mung n-lawm ai (sh) gara mung masa party hpung ni hpe madi shadaw ai lam n-nga ai. Uhpung hpe hpung malawm ni kawn gumhpraw garum ya ai hte foundation ni, asuya ni, agency law law ni kawn gumhpraw jaw ya nga ai.
Advocacy
Myen mung: Shadut nga ai n-pu na chyeju