Education
Sara shalat wunkat
Learning Library
English en
HTML
N-dai gaw Teacher Training Center for Burmese Teacher (TTCBT) aq laika man rai nga ai. N-dai daw hta report ka ai wa aq 2001 ning kawn hpang ai shaning shagu na lamang hpe report ka ai lam ni, ya yang sharin nga ai hta sara shalat lek mat jaw jawng hte myen mung na htawt sa wa masha ni aq hpaji sharin lamang rawt jat lam nga n-nga sawn maram ai lam ni rawng nga ai. Advanced Teacher Training lamang gaw Chiang Mai hta nga nga ai shata masum laman sharin ai lamang rai nna dakkasu jawng jan mau lu ngut jalu mahkrum madup nga ai ni galaw ai rai nga ai. Advanced Teacher Training lamang gaw hpaji sharin ai sara ni ayan pru wa na lamang rai nga ai. Lak jet aq laika matsun hta gaw hkaja ai baw theory ni, hpaji lam hpe hpareng ai lam ni, jawng ma ni aq galaw hkrang ni, hti shakut ai lam ni hte sawn sumrum yu ai hpe ka ai lam ni gade ram ningtawn wa n-wa maram yu ai lam ni lawm nga ai. Burmese Migrant Education Project gaw hkaja ginra hku nna meyn mung na htawt sa bungli galaw sha ai masha ni aq matu Thailand, Chiang Mai hta nga wa sai. Ginra gaw Thai ga ni, English ga ni, Computer wunkat ni jaw ya nga ai. Amyu, num-la, asak, aga, hpaji madang, makam masham, mung masa kam ai lam, shinggyim ngapra lam, n-gin hka ai sha kadai raitim sharin la mai nga ai. Lakjet hpe n-pawt kaw nna tsaw ai de du lung wa na re. Matut nna n-dai daw hta hpaji lam, ga jarit diary lam, sumla madun gawk lam hte seng ai laika pa ni hpe mung matut da nga ai.
Dr. Thein Lwin
Myen sara ni aq matu sara shalat ginra
Thailand
NGO/CSO
Teacher Training Center for Burmese Teachers (TTBT) hpe mungdan shinggan hta akyu amyat n-la ai hpaji hpung ni kawn galaw nga ai rai nga nna, ya yang hta Thai mungdan dingda daw Chiang Mai hta hpaw da nga ai. Uhpung gaw tsinyam da bang ni, mung kata htawt kau hkrum ai ni aq shara ni, Thailand mungdan na htawt sa bungli galaw sha masha ni hte myen mung na htawt kau hkrum ai shara ni hta hpaji lam tsaw wa na matu sara n-nan ni kawn wunkat jaw ai, hkaja ai lam hta myit rawt wa shangun ai, myit sawn sumrum ai lam hte jawng ni hta lata tut democracy lam ni sharin ya ai, sharin sara ni nga nga na matu kung kyang ai lam byin wa hkra madi shadaw ya ai lam ni hta uhpung gaw shakut nga ai. Lamang ni gaw, sara shalat ai wunkat ni, sara ni rawt jat wa na matu wunkat ni, myit sawn sumrum lam ni aq matu hti ai hte ka ai workshop ni rai nga ai. Aten galu plan ni hpe gram lajang nna shachyen ya let uhpung kaw na myit sharawt lam ni hpe bai galaw na ngut ai hpang uhpung n-dai lamang aq wunkat model hkrang hte aten lam ni gaw ya byin nga ai lam ni hte matut nna, myen mung hta democracy gaw gap ai aten ladaw ni hkan nna gaw gap na.
Education
Jam jau taw nga ai hpaji sharin lamang aq shingdu labau