Human Rights
Learning Library
English en
HTML
N-dai gaw HumanTrafficking.org aq laika man rai nga ai. Website aq yaw shada ai gaw langai hte langai aq masha shada dut sha hkrum ai lam hpe pat na matu shakut ai zawn re ai mahkrup madup ni hpe la nna Sinpraw Asia hte Pacific shara ni aq asuya ni NGO ni rau sha bungli jawm galaw na matu rai nga ai. N-dai website hta amyu sha tara ni, ahkyak la ai lam ni, asuya agency ni lang mai ai hte seng ai shiga ni n-dai zawn re ai mungdan kata lam shiga ni rawng nga ai. Matut nna mungdan shagu na NGO ni shamu shamawt ai lam ni, shanhte aq shiga ni madun da nga ai. N-dai daw hta Burma hta masha shada dut sha hkat ai lam hte seng ai ya ya na myen mung shiga ni rawng nga ai. N-dai daw hta myen mung gaw dut sha hkrum ai lam hpe hkaja ai ni, n-chyang bungli shangun ai lam hpe hkaja ai ni, roi sha hkrum ai zawn re hpe hkaja ai ni aq matu shiga ni jaw ya nga ai lam sang lang da nga ai. Myen mung amyu shayi ni, amyu la ni, ma kaji ni, (madung gaw amyu lakung ni aq shara na mung masha ni ) gaw Thailand, Miwa mung, Bangladesh, Taiwan, India, Malaysia, Korea, Macau, Japan, mungdan ni de atik anang bungli shangun na matu, gun rai gali galai htaw dut yang bungli galaw na hta myit n-lawm ai sha mung kata mayam shatai na matu, paw gayawn na matu dut sha hkrum nga ma ai. Miwa ga jarit mayan hta ma kaji ni num ma hpe roi ai zawn galaw hkrum nga ma ai. Grau yawm wa na matu galaw na hta, Myen mung gaw amyu shayi ni hpe People’s Republic of China (P. R. C.) mungdan de hpaga gun rai hku dut sha na matu shayan nga ma ai. Maw daw hkring ai shara, nga hkan ai mare, ga jarit mare kaba, ja htu dabang, hpyen dap shara ni zawn re ai shara na mung kata amyu shayi ni hte ma kaji ni hpe kahtawng ningchyawng kawn na mare kaba de pyaw kayawn na matu dut sha roi sha hkrum nga ma ai. Hpyen asuya aq atik anang bunglu shangun ai policy gaw myen mung aq masha shada dut sha hkrum na manghkang de she rai wa nga ai. N-dai daw hta matut nna dut sha hkrum ai lam hpe kasat nga ai shiga ni rawng nga ai. Myen asuya gaw masha shada dut sha ai hpe pat ai hte htawng bang ai tara Anti-Trafficking in Person’s Law ni hpe gin shakut nga ai. NGOs ni matsan ai hpe shayawm ai hte hpaji sharin lamang ni hpe galaw shakut nga ma ai.
Human Trafficking.org
Hpaji bawngring lam aq matu dakkasu jawng
US
NGO/CSO
1961 ning hta gaw de wa ai, AED gaw wanglu wanglang re ai, akyu amyat n-la ai, myit yu hpa shinggyim mang hkang ni hpe hparan na, dinghkrai shinggyim hpawng uphung uhpawng ni aq atsam ni hpe gaw gap na, ti-nang hkum ti-nang grau kam wa hkra galaw na, n-dai ni hpe galaw na myit da ai. AED gaw shinggyim bawng ring lam ni hta madung bungli galaw nga nna, hkamja lam, hpaji lam sharawt na hpe madung da ai hte UN hta n-law htum sut hpaga ahkaw ahkang ni lu wa na matu madung da na, mungkan shara shagu hta bawng ring nga ding yang rai nga ai mungdan ni hta madung da na rai nga ai.
Human Rights
FMO aq sawk sagawn ai hte seng nna lam madun ai lam: Myen mungdan