Human Rights
Democracy lam
Learning Library
English en
HTML
N-dai gaw Asia Forum for Human Right and Development (FORUM-ASIA, or FA ) aq laika man rai nga ai. FORUM-ASIA aq magam gaw yawng aq matu shinggyim ahkaw ahkang hpe makawp maga ya na, masha ni aq ahkaw ahkang hpe madi shadaw nga na, Asian buga ginra ni hta shinggyim ahkaw ahakng uhpung ni aq lapran rau jawm galaw na lam ni, lata gindun bungli galaw lam hta bawng ring wa na lam ni rai nga ai. N-dai daw hta htang dip laika ni, Asia ginra ni aq shinggyim ahkaw ahkang ni, democracy ni, bawng ring lam ni hte matut nga ai shiga ni hpe shapraw ya nga ai. N-dai daw hta matut nna FA calendar lam ni, FA n-dau shana ai lam ni, yu maram nga ai lam ni, FA laika buk ni lawm ai shiga ni rawng nga ai. FA gaw ahkyak ai lam ni, mungdan kata lam ni, advocacy lamang ni hpe madi shadaw nga ai. Lawu na lam ni gaw ya yang hta ahkyak ai lam sanit rai nga ai, dai ni gaw; Shinggyim ahkaw ahkang makawp maga ai ni, Garan ginhka ai lam hpe ninghkap ai lam ni, Amyu lakung hte mat mat hkyen ai hpung ni, Mungkan mare hte Sut hpaga lam ni, Shnggyim ngapra lam hte Htunghkring ahkaw ahkang lam ni, Democracy hte teng man tara grin nga lam ni, Bawng ring na ahkaw ahkang ni, Simsa lam hte Shinggyim shim lam ni, Amyu shayi ni hte num-la rap ra lam ni rai nga ai. Mungdan kata lam lamang ni gaw shinggyim ahakw ahkang lam hpe madi shadaw ai mungkan aq campaign lam ni hpe madung da nna, ya yang galaw nga ai mungdan shara masum gaw; Nepal, Ache, Myen mung ni rai nga ai. Advocacy daw lamang masum ni gaw; UN shinggyim ahkaw ahkang hkum hkrang ni (UN Advocacy), shinggyim ahkaw ahkang ga sadi hkum hkrang ni, (Treaty Bodies Advocacy), mungkan mungdan buga hkum hkrang ni (Regional Advocacy ) ni rai nga ai.
FORUM-ASIA
FORUM-ASIA
Thailand
NGO/CSO
Asian Forum for Human Right and Development (FORUM-ASIA) gaw Asia mungdan, ya yang galaw nga ai mungdan ni hta uhpung malawm n-pawt da ai buga shinggim ahkaw ahkang hpung rai nna, Asia mungdan na mungdan 14 hte hpung malawm 36 rawng ai uhpung rai nga ai. Uhpung hpe December, 1991 hta gaw de wa nna Asia na Manila mungdan ni hta galaw ai shinggyim ahkaw ahkang hte bawng ring lam NGO magam lam ni aq lapran hta bawng jahkrup lai wa ai. Uhpung aq buga amu madu gaw 1994 ning kawn Thai mungdan Bangkok hta shanu nga ai. FORUM-ASIA gaw uhpung hpe hpaw ai kawn na shinggyim rapra lam ni, shinggyim bawngring lam agrin nga na lam ni, shawa yawng shang lawm ai democracy lam ni, num-la rapra lam ni, simsa lam hte shimggyim shimlam ni hpe galaw na shakut nna, matut maroi sha buga ginra ni hta shimggyim ahkaw ahkang uhpung ni aq lapran bungli jawm galaw jawm bawng lam hta masha ni hpe atsam shatsaw na shakut nga ai hpung rai nga ai.
Human Rights
FMO aq sawk sagawn ai hte seng nna lam madun ai lam: Myen mungdan