Governance
Arang bang ai lam, sut hpaga lam, Sanciton lam
Learning Library
English en
HTML
N-dai daw hta ya byin nga ai myen mungdan mung masa hpe sawm maram da ai lam hte myen mung hpe tawn da ai EU mungdan ni aq policy ni madun da ya nga ai. N-dai hta myen mung hpe European kawn daw hte daw pat hkum da ai lam hpe shadawn yu ai hte seng ai shiga laika ni, shinggyim hpawng hpe garum ai hte seng ai shiga ni, sut masa hte hpaga ga ai lam hte seng ai matsun madun lam ni rawng nga ai. EU Commission Position on Burma hpe 1996 ning October hta shangai la ai re. EU hpung gaw myen mung hpe tau hkrau kaw nna Sanction hte pat da sai rai nna, 1990 ning hta lak nak hte mung pat hkum ai lam galaw sai, 1991 ning hta mung shada jawm garum shingtau lam hpe mung jahkring kau sai, mungdan lahkawng aq shinggyim nau-na shada garum hkat ai lam hpe mung jahkring kau sai, hpyen asuya hpung malawm wa aq n-tsa visa jaw ai lam hpe mung pat hkum kau sai, uhpung malawm asuya, hpyen du ka ba ni shimlam du ka ba ni shanhte aq dinghku dum n-ta masha ni hpe visa n-jaw mat sai. Matut nna uhpung gaw ningbaw asuya shada dam hkawm hkat ai lam hta myen mungdan hpe pat hkum kau sai. 25 October 2004 hta Council gaw Rangon hpe grai chyat ai sanction hte Common Position bai galaw pat da sai. Grau nna hpyen du ka ba ni EU mungdan de hkawm chyai na visa ni hpe mung pat hkum da ai, matut nna du ka ba, du ni yawng hpe hkawm chyai na ahkang n-jaw ai (sh) EU company ni hpe mung myen mung na company ka ba ni hte hpaga arang bang lu na hpe tara hte hkrak tsaw dik ai hku pat hkum kau sai. Common Position hpe 25 April 2005 ning hta laning mi na matu bai lajang da sai. EU gaw shinggyim nau-na matsan dum garum kahtau lam jaw ya nga ai.
European mungdan Commission hpung
Europa.http://europa.eu.int/
Belgium
Inter-Government
EUROPA gaw European Union mungdan ni aq da ru rai nga ai. Uhpung gaw European Union hte seng ai lam ni hpe madun da ai, European mungdan ni kahkin nga ai hte seng ai ra ahkyak ai shiga ni rawng nga ai. Shiga ni hpe hpaw hti ai wa gaw ya yang lajang da ai tara ni hpe matut nna bawng mayu yang mai bawng ban nga ai (sh) hpaji jaw mai nga ai. EU hpung ni aq website ni hpe mai hpaw hti mai nna ga sadi laika ni hte European Union ni arawng aya ni hpe sharawt na lam policy hpareng ai lam hte seng ai hpe tam mu lu nga ai.
Governance
Myen mungdan hte seng ai ningmu