Health
Myu shayi ni
Learning Library
English en
HTML
N-dai sumtang laika gaw bawng ring wa ai lam, n-ra ai sha ma hkum byin wa ai lam, Thai mungdan hta nga ai myen myu shayi ni aq lapran ma hkum shabrai kau ai lam ni hpe madung da hkaja da ai lam rai nga ai. N-dai hta myen myu shayi ni ayan na shangai shaprat ai hte ma jahkrat ai lam hta shimlam n-nga ai majaw mayak manghkang byin nga ai shiga ni hpe mahkawng da nga ai. La wu na lam ni gaw sumgtang laika aq daw n-kau mi kaw na lam ni rai nga ai. Thai mungdan asuya policy ni hta myen mung na htawt sit mu bungli galaw hkawm ai myu shayi ni ma hkum kap wa ai hpe kaji mi mung n-gun n-jaw ai. Htawt sit bungli galaw masha ni hta ma kaji nga wa ai hpe shara n-lu jaw ai lam bungli namdu tara ni hta lachyum shaleng da nga ai. Hkamja lam hte seng nna gawn lajang ai lam lu la na matu grai yak nga ai. Pat hkum da ai lam ni law la nga ai, dai majaw shiga ni lu la na matu yak nga ai, la ma na hkamja lam hte seng nna tsi lajang la mai ai lam ni lu la tim, dai tsi lajang ai lam ni gaw shadawn shadang hte sha rai taw nga ai. Shinggyim uhpawng aq mu mada ai lam ni mung ma jahkart ai lam hpe n-ra ai, hte htung hkring daw ni hta mung num n-wa shi ai myu shayi ni dinghku shang na matu lajang wa ai shaloi ma kalang mi jahkrat ga ai rai yang htung hkring ni hta kaji mi mung hkap la n-mai nga ai. N-dai myit masa ni gaw myu shayi ni ma n-lu na matu pu-jat shazim kau ai lam (sh) ma jahkrat ai lam ni galaw mai wa na matu pat hkum ai myit masa ni rai nga ai. Lama na myu shayi ni ma jahkrat, ma n-lu na hku lajang kau jang gaw shanhte ni gaw tsi gawn lajang ya ai ni aq garan ginhkan ai lam hkrum wa ma ai, n-ra shara rawng wa ai lam ni hpe hkrum katut wa ma ai. Tsaw ai hpaji ladat ni, shinggyim ngapra lam hte htunghkring ni gaw myu shayi ni hpe n-madi shadaw n-mai nan rai nga ai. N-dai zawn hkrum hkra nga ai myu shayi ni aq matu hkamja lam hte seng nna gawn lajang ai lam matut hkam la lu na matu tsi lajang ai masha ni matut mahkai lam hkrak galaw ya ra ai.
Dr Suzanne Belton and Dr Cynthia Maung
Mae Tao Clinic
Thailand
NGO/CSO
1988 ning hta hpaw hpang wa ai. Mae Tao tsi gawk gaw Thai mngdan hta nga ai myen htawt sit masha ni aq hkamja lam hpe dam lada ai hku garum kahtau ya nga ai.
Health
Ma jahkat ai lam: Myen mung hta mang hkang byin nga ai shwa hkamja lam