Human Rights
Shara htawt kau ai lam, tsinyam hkrum masha, atik anang, mang hkang
Learning Library
English en
HTML
N-dai sumtang laika gaw myen mungdan hta atik anang htawt sit hkrum shangun ai lam hte seng ai laika rai nga ai. N-dai hta atik anang htawt sit hkrum ai majaw machyi hkrum wa ai lam ni, n-dai zawn re ai lam ni tam gawn da ra ai lam ni, grau nna ga jarit hta nga nga ai tsin yam hkrum masha ni aq lam ni, gawng kya ai uhpung ni hkrum hkra mat ai lam ni hpe madun dan ra ai lam bawng ban da nga ai. Law malawng myen mung hta htawt sit hkrum ai lam ni gaw majan byin nga ai myu lakung ni aq shara ni hta myen hpyen uhpung aq hpyen shalaw chyam jat nna mi kawn hkyen lajang da ai hkrang hte shinggyim ahkaw ahkang ni jahten wa ai majaw rai nga ai lam mahtai tam lu ai. Shinggyim ahkaw ahkang roi rip jahten ai lam hpe ahkyak la ai lam n-nga ai majaw matut nna majoi mi hkrup mara n-tsen ai lam ni byin pru wa ai, sat nat ai, zingri ai, num roi rip ai, atik anang bungli shangun ai, atik anang htawt sit shangun ai, ma hpyen la galaw shangun ai, makam masham wanglu wang lang nawku ai lam hpe jahten ai lam ni matut byin taw nga ai. N-dai lam ni hpe lai wa sai shaning kawn na matsing masat da sai rai nga ai hte 1988 ning kawn na a-sawng asa grau law wa ai rai nga ai. Muslims ni hte Christian ni hpe galoi mung jahkrit shama ai, hpa majaw nga yang Muslim hte Christian ni gaw n-law nga ma ai. Ya hkyak hkyak bawng ring lam shakut nga ai hta bu hkawm magam sharawt na matu atik anang bungli shangun ai, grau nna htawt sit kau shangun ma ai. N-dai lam ni hpe report tang shana ngut chyalu rai nga sai, dai lam gaw myen mung panglai hkin gau zinlawng mayan de bu-hkawm masha hkap tau magam galaw ai hta masha sat sharu kau ai lam ni, sat nat kau ai lam ni aq n-pu e masha n-kau mi kaga shara de htawt sit mat wa ai majaw masha jahpan grai yawm wa ai lam byin pru wa ai. Dai masha ni gaw Thailand, Bangladesh, India, Malay, China mungdan de myen tsinyam masha hku nga wa ra ma ai. Matut nna Lao PDR mungdan de myen mung na tsin yam masha ni nga nga ma ai, raitim dai masha jahpan ni hpe kadai mung n-chye shi ma ai.
Patricia Hynes
Forced Migration Online
UK
NGO/CSO
Forced Migration Online gaw ra mara yawng rawng ai website rai nna atik anang htawt shangun ai hte seng ai shiga amyu myu ni hpe shapring shazup da ya nga ai. Online n-dai gaw jak hpaji ladat hku, ngyan hpaji hte reng ai machye machyang hku, shiga ni hpe madang tsaw tsaw hpareng chye ai machye machyang kung ai ni jawm galaw da ai website rai nga ai.
Human Rights
2005, Aisan Mungdan (10) na Shinggyim ahkaw ahkang lam