Women
Shinggyim ahkaw ahkang
Learning Library
English en
HTML
N-dai gaw sumtang laika hte matut da ai rai nna ya galaw nga ai lam ni, myen mungdan Mon ni aq shara hta myen hpyen gumshen hpyen la ni kawn num kasha ni hpe roi rip ai lam ni grau grau law wa ai lam ni hpe ka da nga ai. Sumtang laika hta myu shayi hte num kasha (50), asak (14) kawn (50) da ram re ai ni roi rip hkrum ai mang hkang 37 hpe kata lam ka da nga ai lam ni, myen hpyenla hpung ni kawn num-la kanawn mazum na matu woi hkawm hkrum ai myu shayi ni aq lam hpe dam lada ai hku hpaw tsun dan ai mabyin lam ni report hta ka da nga ai. Sumtang laika gaw Sam mungdaw hte Karen mungdaw hta num-ma roi rip ai hte seng ai sumtang laika hpe tau hkrau kawn tam sha-ngang shakang da chyalu rai nna, hpyen asuya aq hpyenla ni kawn ladat lang nna roi rip ai lam ni hpe madun dan ai, hte myen mungdan na hpyen asuya ni num-ma ni hpe roi rip ai hte seng nna gara hku roi rip ai hkrang ni, mi kawn na hkyen lajang ai hte roi rip ai lam ni hpe sak se hte hkrak madun dan ai hku re. Teng man ai tara ni n-nga ai hte hpyen la ni num-ma roi rip ai lam hpe mara raw ya nga ai lam ni aq majaw SPDC hpyenla ni gaw num-ma ni hpe roi rip na matu grau grau gwi wa ai galaw wa ai hku re. N-dai lam ni gaw myen mungdan hta num-ma ni hpe roi rip ai lam lawan madun dan lu na matu mung masa lawan galai shai ra sai lam ni rai nga ai. N-rai yang ladat hkrak num-ma roi rip ai hpyen gumshen wa aq magam gaw hpa ahkyak n-la ai sha nga mat na rai yang myu lakung masha ni aq mung masa mang hkang hte ahkaw ahkang ni, myen mungdan hta democracy bai nga wa na lam ni gaw grai shuk wa na rai nga ai, hte htunghkring roi rip hkrum ai lam ni grau sawng wa na re nga ai, myu shayi ni hte ma kaji ni, mung shawa ni grau grau jam jau hkrum wa na sha rai nga ai.
Mon mungdaw Shinggyim ahkaw ahkang gaw sharawt hpung
Mon mngdaw shinggyim ahkaw ahkang gaw sharawt hpung
Thailand
NGO/CSO
Human Rights foundation of Monland (HURFOM)-Burma hpung gaw buga NGO shinggyim ahkaw ahkang hpung rai nna 1994 ning hta Mon Jawng ma ni, Mon Ramma ni hte myen mungdan dingda daw Mon mungdaw kawn htawtsit kau hkrum ai shinggyim hpawng ningbaw ni woi hpawng wa ai hpung rai ai. Uhpung aq madung yaw shada ai gaw shinggyim ahkaw ahkang, democracy, myen mung hta teng man ai simsa lam ni bai nga wa na matu rai nga ai.
Women
Myu shayi ninghkring mung masa sut masa lam de