Transition
Learning Library
English en
HTML
N-dai sumtang laika gaw 2004 ning hta shapraw ai rai nna myen mungdan mung masa hte seng ai hpe bawng ban da ai rai nga ai. N-dai hta mungkan shinggyim hpawng aq daw amyu myu ni hte ASEAN aq daw ni, myen mung galai shai na matu shakut ai lam ni rawng nga ai. Sumtang laika hta san da ai gaw ya byin nga ai democracy lam madun roadmap lam ni, myen hpyen ausya gaw democratic shakut shaja nga ai uhpung ni hpang de shi aq arawng aya ap ya na myit rawng nga ai kun ngu ai lam ni, teng man ai mungdan tara kanu bai gram lajang na lam ni hpe myit n-lawm ai kun ngu ai ga san ni san da nga ai. Laika hta matut nna sawn lu ai gaw Khin Nyunt aq arawng aya ka ba wa ai hte shi aq myit masa ni gaw mungdan gaw gap na lamang ni hpe hpang wa nna sut masa bawngring na magam ni gaw gap na myit rawng nga ai hpe sawn maram lu ai. Sumtang laika hta matut nna ka da ai gaw ya byin nga ai shinggyim nau-na jam jau ai lam gaw grai sawng nga ai hte, mungdan tara kanu n-nan gaw myen mungdan aq mang hkang hpe dam la da ai hku madun dan na rai nga ai lam ni ka da nga ai. Mungkan Jam Jau Hkye Hpung tang hpyi shawn ai gaw mungakan shinggyim hpawng myen mung hpe ni kahtep shakut ai lam hta kaja wa akyu nga ai lam n-nga ai hpe mu lu ai hte mungkan shinggyim hpawng ni myen mung aq matu n-pawt n-hpang lam ni bai myit yu ya ra ai lam ni, lata tut hta hpabaw ni awng dang na hte hpa baw ni mai ning hkap mai ai, ngu ai lapran rap ra lam ni tang hpyi shawn da ai hku re. Grau nna sumtang laika tang hpyi shawn ai gaw madang ngu ai lam ni hpe galai shai na matu madun ra ai, matut nna makau grupyin hte seng ai madang ni hpe galai shai ya ra ai, hte sanction hte seng ai hkrang shala ai hpe manu htuk hkra galaw ra ai lam ni rai nga ai. Mungkan Jam Jau Hkye Hpung gaw Aung San Suu Kyi hpe dat ya na hte mungdan tara kanu bawng jahkrup na hpe hpyi shawn da nga ai. Uhpung gaw matut nna ASEAN mugdan hpung ni ga lai shai na matu hte seng ai hpe ahkyak madung daw hku gin sup n-gun jaw na hpe ja ja hpyi shawn da ai.
Mungkan Jam Jau Hkye hpung
Mungkan Jam Jau hkye hpung
Belgium
NGO/CSO
Mungkan Jam Jau Hkye Hpung gaw wanglu wanglang re ai, akyu amyat n-la ai NGO hpung rai nna pa de yu let shiga hta sawn ding lik yu ai, si ari mang hkang ni hpe hparan ya ai, makawp maga ya ai advocacy magam ni hpe galaw ya nga ai. Jam Jau hkye hpung gaw asuya kaw na garum gumhpraw lu ai, charitable foundations ni, companies ni, dinghkrai gauhpraw garum ya ai ni kaw na garum gumhpraw ni lu nga ai.
Transition
Mung masa galai shai ten na myen mungdan: Prat n-nan Democracy hkrang