Children
htawt sit hkawm ai lam, ma n-chyang bungli galaw ai lam, shawa num galaw sha ai lam
Learning Library
English en
HTML
N-dai gaw Thai mungdan hta htawt sit ma kaji ni yak hkak jam jau hkrum nga ai lam hpe sawk sagawn da ai lam rai nga ai. N-dai hta sang lang da ai lam gaw mung masa simsa ai lam n-nga ai, mungdan majan byin ai, sut masa lam hkrat sum nga ai, matsan mayan rai sak hkrung ra ai, lam amyu myu magup sumhpa ni gaw ti-nang aq ka-nu mungdan hpe tawn kau da let ni ai Thai mungdan de htawt sit sa wa na matu n-gun jaw taw nga ai lam hpe sang lang da ai rai nga ai. Thai mungdan gaw sut masa lam kaba nga sai, lamu ga hku yu ga nga yang hkrak taw nga ai, n-dai lam ni gaw Thai international jarit hpe lai di na grai loi taw nga ai, lam n-dai ni aq majaw wan shadang ai myen mung masha ni gaw Thai mungdan de shang bang wa ai rai nga ai. Maram yu ai shaloi ΒΌ gaw htawt sit ma kaji ni rai taw nga ai. Ma n-kau ni gaw shanhte aq kanu kawa ni hte sa wa ai n-kau ni gaw jinghku ni hte, n-kau ni gaw manaw manang ni hte rai nna shanhte aq n-gun atsam ni hpe sa jai lang na matu sa wa ai rai nga ai. Ma n-kau ni gaw shanhte na shanhte sa wa ai, n-kau ni gaw Thai mungdan de bungli galaw na matu lapran kaw hting let ya ai masha ni alau la hkrum ai, n-kau gaw shalen la hkrum nna sa du wa ai rai nga ai. N-dai ma ni gaw Thai tara hku na yu yang tara n-shang ai ma ni rai ma ai. Ma n-chyang tai ai, ma shawa num tai ai, lam n-tsa e nga hkawm ai zawn re ai n-dai hpan (3) gaw manu mana yak hkak hkrum nga ai htawt sit ma ni rai ma ai. N-dai ma ni hkrum sha nga ai mang hkang ni gaw bung nga ai, dai lam ni gaw kun-dinghku kawn ma kawp maga ya ai lam n-lu ai, ma kaji ten hta ra nga ai ma makawp maga tsi ni mung n-lu htu bang ma ai, laika hpaji sharin achyin lu na ahkaw ahkang ni mung n-lu nga ma ai, ra ahkyak nga ai atsam ni hte shani shagu na magam bungli asak hkrung lam awng dang na ra nga ai machye machyang ni mung n-lu la ma ai, n-dai lam ni rai nga ai. N-dai shara hta Thai mungdan de htawtsit sa wa ai ma kaji ni aq lam hpe galaw nga ai uhpung aq shiga ni rawng nga ai.
Asian Htawt sit Sawk sagawn ginra
Asian Htawt sit Sawk sagawn ginra http://www.ias.chula.ac.th/ARCM/
Thailand
Educational Institute
ARCM gaw sawk sagawn da ai sumtang laika ni, shiga jahpan ni, policy tang hpyi shawn ai lam ni zawn re ai hkrang ni hte sinpraw dingda Asia kata lamu ga jarit de htawtsit hkawm sa wa ai lam myit tsang lawm ai lam ni hte seng ai shiga ni hpe shapraw ya nga ai. Uhpung gaw Thai mungdan hta byin nga ai hpe madung dat nga ai. ARCM aq kri hpung hpe Chulalongkorn Dakkasu Jawng na masha ni, ginlam amyu myu hta kung kyang ai Thai masha ni, hte dinghkrai re ai Thai masha ni hte gaw gap da ai rai nga ai.
Children
Ma ahkaw ahkang hte bawngring lam aq matu Mungda ga daga hpung