Women
shinggyim ahkaw ahkang
Learning Library
English en
HTML
N-dai gaw Mungkan mare Myu shayi Garum hpung (GFW) aq laika man re ai. N-dai laika man hta uhpung aq magam bungli hte seng ai shiga ni, alu jaw ai lamang ni, laika dip shapraw ai lam ni, rawng nga ai. Mungkan mare Myu shayi Garum hpung gaw myu shayi ni hpe madi shadaw garum nga ai uhpung rai nna myu shayi ni hte num kasha ni aq shinggyim ahkaw ahkang ni rawt jat wa hkra galaw nga ai hpung rai nga ai. GFW gaw US mungdan shing gan de na myu shayi ni aq matu n-pawt da ai hpung hpe madi shadaw ya nga ai hte lamang ni hte jai lang na matu law jai mai ai hku, htuk manu ai hku, aten ladaw masat let $ 500 kawn $ 20,000 daram garum madi shadaw ya nga ai. GFW hpung hpe mare buga na chye chyang ai ni kam nga ai gaw myu shayi ni shanhte ra nga ai hpe shanhte na shanhte chye daw dan nga ai hte galai shai wa na matu yaw sha da ai lam ni hpe mung chye hparan la chye ai majaw rai nga ai. Website hte myu shayi ahkaw ahkang ni aq matu shamu shamawt na fund tam na hte seng ai ahkyak myit machyun ni hpe tam shaw ya ai myu shayi ni aq fund tam laika buk ni mung website hta madun da ya nga ai. N-dai website gaw bawngring nga ding yang rai nga ai mungdan (matsan ai mungdan) na myu shayi ni fund tang shawk ka na ni aq matu shawng ning-nan na kaja dik hkrang rai nga ai. Mungkan shara shagu na myu shayi ni aq ahkaw ahkang hte GFW shamu shamawt ai hte seng ai shiga garan kachyan ai lam rai nga ai Raising Our Voices ngu ai GFW shi laika ni hte matut mahkai da nga ai. Law la ai GFW aq laika buk ni, myu shayi ni aq n-tsa shingra maka laru hte hkrum hkra wa ai lam sumtang laika ni, myu shayi ni hpe arang bang amyat la ai hte seng ai report ni mung jahkrat la mai nga ai lam ni rawng nga ai. GFW gaw law la ai myen mungdan na uhpung ni hpe fund jaw garum ya nga ai uhpung rai nna website hta myu shayi hte num-la ahkaw ahkang shiga n-hprang kaja ni hpe mung sharawng da ya nga ai.
Mungkan mare Myu shayi garum hpung
Mungkan mare Myu shayi garum hpung
US
NGO/CSO
Mungkan mare Myu shayi garum hpung gaw mungkan shra shagu hta nga nga ai myu shayi shinggyim ahkaw ahkang hpung ni hpe madi shadaw ya nga ai fund jaw ya nga ai hpung rai nna sut masa lam wanglu wanglang byin tai wa lu na matu num kasha ni hpaji sharin ai lam law law lu wa na matu, hte myu shayi ni hpe roi rip ai lam jahkring ning hkap na zawn re ai dinglun hpa lam ni hta bungli galaw nga ai.
Women
Myu shayi ninghkring mung masa sut masa lam de