Women
Hkamja lam, bungli, shawa num galaw sha ai
Learning Library
English en
HTML
N-dai sumtang laika gaw ra ai lam ni, myit lawm hpa lam ni, myen mung myu shayi htawt sit hkawm nna shawa num galaw sha ai lam hta jahpan n-lu hta la shi ai kaja wa mabyin ni hpe wanhtawng madun dan na matu shakut nga ai laika rai nga ai. Sumtang laika hta myen mung myu shayi ni Thai mungdan shawa num galaw sha ai shara hta nga nga ai lam hte shanhte asak matut hkrung lu na matu shakut nga ai lam ni ka da nga ai. Sumtang laika hta yu da ai gaw myen mung myu shayi ni aq prat ni, htawt sit wa ra ai lam ni, shawa num galaw sha ai prat de shang wa ra ai lam gaw, Thai mungdan de htawt sit sa wa ai shaloi jam jau la nga ai, shawa dap de shang jang gaw akyu hkam sha lu nga ai. Laika ka ai wa myit mada ai gaw shiga laika pa ni hpe madun dan ai lam gaw myen mungdan na htawt sit sa wa ai masha ni myit mada lam nga wa na lam ni byin wa na matu akyu rawng ai shiga ni hpe madun dan ai rai nga ai. Matut nna myit mada ai gaw n-dai sumtang laika gaw ahkaw ahkang ni hpe makawp maga ai lamang ni hta mai lang na re ngu kam nga ai hte jahpan n-hta la shi ai htawt sit bungli galaw masha ni hpe mung madi shadaw ya lu na re ai hte myen mung myu shayi ni dut sha hkrum ai lam kawn na makawp maga wa lu na re ngu myit mada ma ai. Report tsun ai gaw Thai mungdan de htawt sit sa wa ai myen mung myu shayi ni, mungkan shara shagu na htawt sit hkawm nga ai masha ni hte grai bung nga nna, matsan ai mungdan na shanhte aq mungdan ni ding hku masha ni hpe tawn da let lu su ngamu ngamai wa na, grau magam bungli galaw wa na hpe myit mada let shara ra de htawt hkawm sa wa ai rai nga ai lam tsun da nga ai. Myen mung masha ni Thai mungdan de grau bungli galaw sa wa ai gaw Thai mungdan hte myen mungdan hpe shingdaw yu ai shaloi prat madang dep let rawt jat wa lu na ahkaw ahkang ni nga na matu sut masa lam hpaw ai lam ni grai shai chyat la ai hpe mu lu nga ai. Myen mungdan na myu shayi ni htawt sit sa wa ai lam gaw hpyen gumshen wa kawn dip rip ai shinggyim hpawng hta bang da hkrum ai, dai hte maren mungdan aq ra lata poi dang da ai asuya ni mung dip da hkrum ai, dai majaw mungchying sha wanglu wanglang re ai shara de, dinghkrai ahkaw ahkang grau hkungga jaw ai shara de htawt sa wa ai rai nga ai.
Images Asia
Images Asia
Thailand
NGO/CSO
Images Asia gaw 1993 ning hta gaw de wa ai akyu amyat n-la ai NGO hpung rai nna myen mungdan hta shinggyim ahkaw ahkang bawngring wa na lam hpe matsun madun ai hpung rai nga ai. Images Asia gaw myen mungdan hte seng ai ya byin nga ai shiga law law ni, hta kahkin da ai shiga maisau pa ni hpe madun nga ai hte galai shai nga ai media uhpung rai nga ai. BIG17-30
Women
Myu shayi ninghkring mung masa sut masa lam de